Bcmess

Dësen Hierscht geet de BC Mess a seng 50. Saison! 50 Joer BC Mess ass eng Geschicht, déi sech vum Palmarès hir relativ kuerz liest: eemol Champion bei den Dammen, eemol Vice-Champion bei den Hären. Mee dëst ass net d’Geschicht vum BC Mess. Mir kréien haut – no 50 Joer Existenz- reegelrecht d’Bud agerannt vu Kanner, déi wëlle Basket beim BC Mess spillen. Déi Jonk wore schonns ëmmer de groussen Atout vum BC Mess, wéi sech aus de sëlleche Champions-Titelen a Coupe-Victoiren am Jugendberäich ofliese léist.